डा. केसीको आन्दोलनमा ऐक्यवद्धता

सुर्खेत
नेपाल चिकित्सक संघ सुर्खेत शाखाले प्रा. डा. गोविन्द केसीको आमरण अनसनको आन्दोलनमा नेपाल चिकित्सक संघ सुर्खेत शाखाले समेत ऐक्यवद्धता जनाएको छ । दुई दिनदेखि कालो पट्टी बाँधेर काम गरिरहेका चिकित्सकहरुले बिहीबार एक प्रेस विज्ञप्ति जारी गरी चिकित्सक संघले ऐक्यवद्धता जनाएको हो । ‘विगत ६ दिनदेखि गुणस्तरी स्वास्थ्य शिक्षा र सेवाको माग राखी जुम्लामा अनसन बस्नु भएका प्रा. डा. केसीको स्वास्थ्यमा प्रतिकूल असरहरु देखा पर्दै गएको र कुनै पनि समयमा अप्रिय घटना घट्न सक्ने तर्फ सचेत रहँदै नेपाल सरकारलाई अविलम्ब समस्याको समाधान गर्न र डा. केसीको जीवन रक्षा गर्न संघ जोडदार माग गर्दछ’ विज्ञप्तिमा भनिएको छ ।

साथै विज्ञप्तिमा भएको छ ‘ उहाँको जाहेज माग प्रति नेपाल चिकित्सक संघ सुर्खेत शाखाले ऐक्यवद्धता जाहेर गर्दै विगत दुई दिनदेखि कालो पट्टी बाँधेर आफ्नो काम गरिरहेको र सयमै सुनुवाई नभए डा. केसीको जीवन रक्षार्थ नेपाल चिकित्सक संघ केन्द्रिय कार्यालयको समन्वयमा अझ कडा आन्दोलन घोषणा गर्न बाध्य हुनेछौ ।’