सुर्खेत कर्णाली प्रदेशमा पछिल्लो २४ घण्टामा ४८ जनामा कोरोना संक्रमण पुष्टि भएको छ । प्रदेश अस्पताल÷पशुपन्छी रोग अन्वेषण प्रयोगशाला, सुर्खेतबाट पुष्टि भएका ४८ जना सहित जम्मा कोभिड–१९ संक्रमितको संख्या ३ हजार ३६४ पुगेको सामाजिक विकास मन्त्रालय स्वास्थ्य महाशाखाले जानकारी दिएको छ । यसैगरि पछिल्लो २४ घण्टामा निको भई डिस्चार्ज हुने १५ जना रहेको छ । हालसम्म निको हुनेहरुको संख्या २ हजार ८१० पुगेको छ । आज पुष्टि हुने ४८ जना मध्ये वीरेन्द्रनगर, सुर्खेतमा स्वाब संकलन भएका ४२ जना र वनगाड कुपिण्डे, सल्यानमा स्वाब संकलन भएका ६ जना हुनुहुन्छ । जिल्लागत रुपमा सुर्खेतका ३६ जना, सल्यानका ६ जना, दैलेखका ३ जना […]

बर्दिया । बर्दियामा कोरोना भाइरसका कारण क्याम्पस प्रमुखको निधन भएको छ । बर्दियाको गुलरियामा रहेको बबई बहुमुखि क्याम्पसका क्याम्पस प्रमुख विनोद अग्रवालको शनिवार दिउँसो निधन भएको स्वास्थ्य कार्यालय बर्दियाले जनाएको छ । होम आइसुलेसनमा बस्दै आउनु भएका अग्रवालको आज स्वास्थ्य अवस्था विग्रिएपछि एम्बलेन्स मार्फत नेपालगञ्ज लगिएको थियो ।  अग्रवालको २ः२५ वजे मृत्यु भएको स्वास्थ्य कार्यालय बर्दियाका प्रमुख गोकर्ण गिरीले बताउनु भयो । कोरोना विशेष अस्पतालको गेट भित्र प्रवेश गरे लगत्तै उहाँको मृत्यु भएको बताइएको छ । क्यान्सरसंग लडिरहनु भएका अग्रवाल भारतको दिल्लीबाट एक हप्ता अघि मात्र फर्किनु भएको थियो । उहाँको स्वाव परीक्षण पोजेटिभ देखिएको थियो ।