राप्रपा संयुक्तले हावाहुरीका मृतकका परिवारलाई साँढे १२ हजार दिने
काठमाडौं ।
राप्रपा संयुक्तका अध्यक्षद्वय पशुपति शमशेर जवरा,डा प्रकाशचन्द्र लोहनीले विनासकारि हावाहुरिबाट प्रभावित वारा र पर्साको निरिक्षण गरेका छन् ।
राप्रपा.(संयुक्त) का अध्यक्षद्वय पशुपति शम्शेर जबरा र डा. प्रकाशचन्द्र लोहनीले वारा, पर्साका हावाहुरी पिडितलाई राहत वितरण गरेका छन् ।
अध्यक्षद्वय राणा र लोहनीले शुक्रबार प्रभावित क्षेत्रको स्थलगत भ्रमण गरी क्षतिबारे जानकारी लिएका थिए ।
भ्रमणको क्रममा विपदमा ज्यान गुमाएका प्रत्येक मृतकका परिवारलाई त्रिपाल, लत्ता कपडालगायत रु १२,५०० का दरले राहत वितरण गर्ने जनाएका छन् ।
राप्रपा (संयुक्त) का स्थानीय निकायले मृतक परिवारका घर घरमा पुगी राहत वितरण गर्नेछन् । यसका लागि पार्टीको स्थानीय निकायलाई अध्यक्षद्वय राणा र लोहनीले निर्देशन समेत जारी गरेका छन् ।
राणा र लोहनीले विरगंजस्थित नारायणी अस्पतालमा उपचार गरीरहेका घाइतेहरुको स्वास्थ्य अवस्था बारे जानकारी लिएका थिए ।
हटलाइनखबर
