आत्महत्या गरेका युवामा कोरोना पोजेटिभ
सुर्खेत ।
आत्महत्या गरेका दैलेखका एक युवाको कोरोना परीक्षण रिपोर्ट पोजेटिभ आएको छ ।
दुल्लु नगरपालिका–१० छुवालाका २१ वर्षिय युवाको परीक्षणको क्रममा कोरोना पोजेटिभ देखिएको हो ।असार ९ गते घरमा झुण्डिएको अवस्थामा भेटिएका युवाको शव पोष्टमार्टको लागि दुल्लु अस्पताल लगिएको थियो ।
बिहीबार पशुपन्छी अन्वेषण प्रयोगशाला सुर्खेतमा गरिएको परीक्षणमा उनको रिपोर्ट पोजेटिभ आएको दुल्लु नगरपालिकाका प्रमुख घनश्याम भण्डारीले जानकारी दिए ।
ती युवाको शव व्यवस्थापनका लागि नेपाली सेनासँग समन्वय गरिरहेको प्रमुख भण्डारीले बताए ।
प्रमुख भण्डारीका अनुसार गत जेठ ११ गते भारतबाट दैलेख आएका उनी पञ्चकोशी माध्यमिक विद्यालय गमौडीको क्वारेन्टीनमा १४ दिनसम्म बसेका थिए ।
उनीसँगै क्वारेन्टीनमा बसेका २११ जनाको आरडीटी परीक्षण नेगेटिभ आएपछि घर पठाइएको थियो ।यसअघि झुण्डिएर आत्महत्या गरेकी सुर्खेतको सिम्ता गाउँपालिका–१ की युवतीमा पनि कोरोना पोजिटिभ देखिएको थियो ।
