विना रसिद पैसा संकलन गरेकोमा नगदसहित कागजात अख्तियारको कब्जामा

सुर्खेत।
विद्यार्थी भर्नाको क्रममा विना रसिद शुल्क लिएको आरोपमा अख्तियारको टोलीले नगद सहित कागजात नियन्त्रणमा लिएको छ । कक्षा ११ को भर्नाको क्रममा रसिद विनै रकम संकलन गरेको आरोपमा जन नमूना माध्यमिक विद्यालयका भर्ना सम्बन्धि कागजात र नगद अख्तियारले नियन्त्रणमा लिएको हो ।

नगद दुई लाख ७६ हजार ६९० रुपैया नगद र आवश्यक कागजात नियन्त्रणमा लिएको अख्तियार दुरुपयोग अनुसन्धान आयोगको कार्यालय सुर्खेतका सूचना अधिकारी उप–सचिव भेषराज रिजालले जानकारी दिए।