सामुदायिक वनमा बाँस बृक्षारोपण
२१ असार २०७४
सुर्खेत ।
जिल्ला वन कार्यालय सुर्खेतको सहयोगमा देउती बज्यै सामुदायिक वन उपभोक्ता समितिले आज बाँसका कलमी विरुवाको बृक्षारोपण गरेको छ ।
चुरे वन क्षेत्रको संरक्षणको लागि बाँसका विरुवाहरुको बृक्षरोपण गर्ने योजना अन्तर्गतका सामुदायिक वनका क्षेत्रहरुमा बृक्षारोपण गर्ने आयोजना अनुरुप बृक्षारोपण गरिएको जिल्ला वन कार्यालय सुर्खेतका निमित्त प्रमुख सूर्यप्रसाद शर्माले जानकारी दिनु भयो ।
देउती बज्यै सामुदायिक वनमा करिब १ हजार ५ सय विरुवा रोप्ने योजना रहेको र विरुवाको उत्पादनदेखि बृक्षारोपणसम्मका लागि प्रति विरुवा रु १ सय २० का दरले जिल्ला वनले आर्थिक सहयोग गरेको देउती बज्यै सामुदायिक वन उपभोक्ता समितिका अध्यक्ष पदमा खड्काले बताउनु भयो ।
