बजार अनुगमनमा तिब्रता : म्याद सकिएका वस्तु जलाएर नष्ट

सहायक प्रमुख जिल्ला अधिकारी गंगाप्रसाद न्यौपानेको नेतृत्वमा गएको अनुगमन टोलीमा प्रशासकीय अधिकृत, वीरेन्द्रनगर नगरपालिका सुर्खेतका प्रतिनिधि, आन्तरिक राजश्व कार्यालय करदाता सेवा कार्यालयका प्रमुख, प्रहरी तथा पत्रकार समेत संलग्न थिए ।

चाडपर्वको नजिकमा मात्र नभई यो नियमित प्रक्रिया भएको र कसैले पनि उपभोक्ताको हक हित एवम् स्वास्थ्यमा असर पार्ने खालका सामग्रीहरुको बिक्रीवितरण गर्न छुट नभएको सहायक प्रमुख जिल्ला अधिकारी गंगाप्रसाद न्यौपानेले बताए ।

अनुगमनका क्रममा भेटिएको म्याद नाघेका वस्तुहरु जिल्ला वन कार्यालय नजिकैको पिपल चौतारीमा जलाएर नष्ट गरिएको थियो । अनुगमनलाई निरन्तरता दिने सहायक प्रमुख जिल्ला अधिकारी गंगाप्रसाद न्यौपानेले बताएका छन् ।