मतदान गर्दा यस्ता कुरामा ध्यान दिनुहोस्

सुर्खेत
३० वैशाख २०७४

स्थानीय तहको निर्वाचनको मतदान गर्ने दिन भोलि वैशाख ३१ गते आउन अब धेरै धेरै घण्टा छैन । यसपालिको निर्वाचनमा धेरै मत बदर हुने डर सबैमा छ । किनकी निर्वाचन आयोगले तयार गरेको मतपत्रमा समेत सदस्यको कोलममा एक ठाउँमा २ वटा चुनाव चिन्ह भएकोले पनि धेरैलाई अन्यौल परेको छ । अर्कोतिर मतदाता शिक्षा हुनु पर्ने जत्ति नभएको गुनासो समेत आइरहेको छ । मत माग्न आउनेहरुले पनि मत मागे तर यसरी मतदान गर्नु भनेर सिकाएनन् भन्ने गुनासो आइरहेको छ । तरपनि अब मतदान गर्ने समय नजिक नजिकै आइरहेकोले कसरी मतदान गर्दा मत बदर हुनबाट जोगिन्छ त ?

हेरौ केही टिप्सहरु : 

१. मतपत्रमा मतदान अधिकृतको सही छ कि छैन ?
२. मतपत्र च्यात्तिएको त छैन ?
३. मतपत्रमा मसी लतपत भएको , कुनै केरमेट भएको त छैन ?
४. मतपत्रमा मत चिन्ह प्रष्ट छ कि छैन ?
५. तपाइँले मतदान गरेको कसैले हेर्दै त छैन ?
६. खुल्ला सदस्यको अन्तिम मत चिन्ह दुइवटा हुन्छन् तर मत छाप एउटै मात्रै हाल्नु होला ।
७. मत छाप हान्दा चिन्ह भएको कोठा भित्र पार्नु होला । छाप स्वस्तिकको हान्नुहोला, ल्याप्चे छाप नलगाउनु होला,
८. छाप हाने पछि फेरी त्यसै माथि अर्को छाप नहान्नु होला , तपाइँले हानेको छाप पुरै प्रष्ट नभएर केहि फरक पर्दैन ।
९. मतपत्र पट्याउदा तपाइँको छापको मसी नसुकेमा अर्को ठाउँ मा प्रतिछाया पर्न सक्छ, त्यसैले विचार पु¥याएर पट्ट्याउनु होला ।