मध्यपश्चिमाञ्चल विश्वविद्यालयमा खेलकुद सप्ताहको उद्घाटन

सुर्खेत
२५ फागुन २०७३

पार्वती थापा 
मध्यपश्चिमाञ्चल विश्वविद्यालय सुर्खेतले बार्षिक रुपमा गर्दै आएको तेस्रो खेलकुद सप्ताहको उद्घाटन आज सुर्खेतमा रहेको केन्द्रिय क्याम्पस परिसरमा भएको छ । मध्यपश्चिमाञ्चल विश्वविद्यालय स्वतन्त्र विद्यार्थी युनियन आयोजक रहेको उक्त खेलकुद सप्ताहको उद्घाटन मध्यपश्चिमाञ्चल विश्वविद्यालय विश्वविद्यालयका उपकूलपति प्रा. डा. उपेन्द्र कुमार कोइरालाले गर्नुभएको हो ।

मध्यपश्चिमाञ्चल विश्वविद्यालय स्वतन्त्र विद्यार्थी युनियनका अध्यक्ष झक्क बहादुर शाहीको अध्यक्षतामा भएको उक्त कार्यक्रममा विशेष अतिथिको आशनबाट बोल्दै विश्वविद्यालयका रजिष्टार डा. महेन्द्रकुमार मल्लले विश्वविद्यालय भन्नुभयो – विश्वविद्यालयले गरेका राम्रा कामहरुको स्रहाना गर्न सक्ने क्षमता राख्नुहोस् । पहिले र अहिलेको दाँजोमा विश्वविद्यालयका गतिविधिहरु सबै सरोकारवाला निकायहरुले हेरिरहनु भएको छ । जहिले पनि विद्यार्थीको पढाइ र भलाइको लागि लागि परेका छौ । त्यसैगरी मध्यपश्चिमाञ्चल विश्वविद्यालय विश्वविद्यालयका उपकूलपति प्रा. डा. उपेन्द्र कुमार कोइरालाले प्रमुख अतिथिको आशनबाट खेलकुद सप्ताहलाई शुभकामना दिँदै भन्नुभयो – स्ववियुले सबै विद्यार्थी संगठनलाई मिलाएर लैजान सक्नु पर्छ । संगठनको राजनीतिको नाममा शिक्षकले टाएर बालेर हुँदैन पढाउनु पर्छ । परीक्षामा विद्यार्थीहरुलाई के पार्टीका आधारमा नम्बर दिनुहुन्छ ? उ

हाँले प्रश्न गर्नुभयो । बौद्धिक नेता बन्न सक्नुहोस् राजनीतिक नेता बनेर आन्दोलन तिर होइन विश्वविद्यालय बनाउन र आफ्नो भविष्यको निर्माणमा लाग्नुहोस् । नकारात्मक सोच हटाउनुहोस् । उहाँले विद्यार्थी नेताहरुलाई अंकित गर्दै भन्नुभयो – राजनीतिमा हिरो र पढाईमा जिरो नबन्नुहोस् ।

खेलकुद उद्घाटन कार्यक्रममा खेलाडी चन्द्र गिरी र कृष्ण श्रेष्ठलाई सम्मान समेत गरिएको थियो । खेलकुद तथा रचनात्मक सप्ताहमा आजैदेखि नृत्य प्रतियोगीता, भलिबल प्रतियोगीता शुरु भइसकेको छ भने भोलि २६ गते गजल र २७ गते कविता प्रतियोगीता हुने आयोजक संयोजक एवम् स्ववियु अध्यक्ष झक्क बहादुर शाहीले जानकारी दिनु भयो । कार्यक्रम स्ववियु सचिव भरत बहादुर शाहीले संचालन गर्नुभएको थियो ।

खेलकुद सप्ताह चैत्र १ गतेसम्म संचालन हुनेछ ।