भेरी यातायात समितिको प्रेस सल्लाहकारमा श्रेष्ठ

नेपालगञ्ज
२४ फागुन २०७३

सार्वजनिक भेरी यातायात समितिको अध्यक्षमा निर्वाचित गणेश थापाको नयाँ कार्यसमितिले निष्पक्ष ध्वनि दैनिकका सम्पादक उदय सिंह श्रेष्ठलाई प्रेस सल्लाहकारमा नियुक्त गरेको छ ।

नवनिर्वाचित समितिका अध्यक्ष थापालगायतको कार्यसमितिलाई मंगलबार विहान निर्वाचन समितिले पदस्थापना गराई दिउँसो भएको पहिलो बैठकले पत्रकार श्रेष्ठलाई प्रेस सल्लाहकारमा नियुक्त गरेको हो । सार्वजनिक भेरी यातायात समितिमा यसअघि प्रेस सल्लाहकार राख्ने व्यवस्था थिएन ।
शनिबार सम्पन्न निर्वाचनको सोमबार मतगणनापश्चात ४३ मत ल्याई गणेश थापा निर्वाचित हुनुभएको हो ।