सुर्खेतमा मतदान शान्तिपूर्ण (फोटो सहित)

९५ वर्षिया जेष्ठ नागरिकले मतदान पछि निर्वाचन गराउनेलाई दिनुभयो धन्यवाद

सुर्खेत
३१ वैशाख २०७४

स्थानीयतहको निर्वाचनको लागि ३४ जिल्लामा आज मतदान भइरहेको छ । सुर्खेत जिल्ला सबै मतदान केन्द्रहरुमा मतदान प्रक्रिया शान्तिपूर्ण वातावरणमा अघि बढिरहेको निर्वाचन कार्यालयले जनाएको छ ।

यसै क्रममा वीरेन्द्रनगर नगरपालिकाको वडा नं. ११ अन्तर्गत काँक्रेविहार प्रा.वि. मतदान केन्द्रमा ९५ बर्षिया जेष्ठ नागरिक प्रेम बहादुर बुढाले आफ्नो मताधिकार प्रयोग गर्नु भएको छ । यसरी निर्वाचन होला र मतदान गर्न पाउँला जस्तो लागेको थिएन तर निर्वाचन भयो यो उमेरमा पनि मतदान गर्न पाएँ भन्दै उहाँले निर्वाचन गराउने सबैलाई धन्यवाद समेत दिनुभयो ।

मतदान केन्द्रमा हुन सक्ने आकस्मिक समस्यालाई मध्यनजर गर्दै नेपाल रेडक्रस सोसाइटी उपशाखा वीरेन्द्रनगर सुर्खेतले वीरेन्द्रनगर वडा नं. ५ र ६ को मतदान केन्द्रमा एम्बुलेन्स सहितको आकस्मिक प्राथमिक उपचार सेवा समेत प्रदान गरेको छ ।