दैलेखमा बस दुर्घटना : ११ को मृत्यु १८ घाइते

सुर्खेत

३१ जेठ २०७४

कालिकाटको जितेकाँडाबाट महेन्द्रनगरका लागि छुटेको बस दैलेखको अाठवीस नगरपालिका-४ मा नैनाल भन्ने ठाउँमा दुर्घटना भएको छ ।

ना ४ ख २९९८ नम्बरको बस दुर्घटना हुँदा ११  जनाको मृत्यु भएको छ भने १८ घाइते भएका छन्  । दैलेखका  प्रमुख जिल्ला अधिकारी प्रकाश अधिकारी र डिएसपी सहितकाे टाेली घटना स्थल पुगेको छ । बस करिब २/३ सय मिटर तल खसेको जिल्ला प्रहरी कार्यालय दैलेखका प्रहरी निरीक्षक एकेन्द्र खड्काले जानकारी दिए ।

दुर्घटनामा १८ जना घाइते भएका छन् । घाइते मध्य १० जनाकाे अवस्था गम्भीर  छ । घाइतेहरुको दैलेखमै उपचार भइरहेको र थप उपचारका लागि काठमाडौं लैजाने तयारी भैरहेको छ  ।  उनका अनुसार दुर्घटनास्थलमा उद्धार जारी छ ।

दुर्घटनमा मृत्यु हुनेहरुको खनाखत भएको छैन । क्षतिको थप विवरण आउन बाँकी रहेको प्रहरी निरीक्षक खड्काले जानकारी दिएको छ  ।