अन्तर्राष्ट्रिय नेपाली साहित्य समाजको अध्यक्षमा लेकाली निर्वाचित

साहित्यकार राधेश्याम लेकाली अन्तर्राष्ट्रिय नेपाली साहित्य समाज (अनेसास) को अध्यक्ष पदमा निर्वाचित भएका छन् । अमेरिकी समय अनुसार शुक्रवार राती सार्वजनिक गरिएको मत परिणाम अनुसार राधेश्याम लेकाली अन्तर्राष्ट्रिय नेपाली साहित्य समाज (अनेसास) को अध्यक्ष पदमा निर्वाचित भएका हुन् । उनले ५७० मत उनका निकटतम प्रतिद्वन्द्वी साहित्यकार गोवर्द्धन पूजाले ३५९ मत ल्याएका छन् । अन्तर्राष्ट्रिय नेपाली साहित्य समाज (अनेसास) को १३ औँ कार्यसमितिको बुधवार, बिहीबार र शुक्रवार गरी तीन दिन सम्म मतदान चलेको थियो ।