कर्णालीमा शुक्रवार ३५ जना कोरोना संक्रमित थपिए
- 1.9Kshares
- Viber
- Facebook Messenger
सुर्खेत ।
कर्णाली प्रदेशमा पछिल्लो २४ घण्टामा ३५ जनामा कोरोना संक्रमण देखिएको छ । प्रदेश अस्पताल–पशुपन्छी प्रयोगशाला सुर्खेत र चौरजहारी नगरपालिकाको प्रयोगशालामा परिएको परीक्षणमा थप ३५ जनामा कोरोना संक्रमण देखिएको हो ।
प्रदेश अस्पताल–पशुपन्छी प्रयोगशाला सुर्खेतमा गरिएको परीक्षणमा सुर्खेतका ६ जना, सल्यानका ६ जना र चौरजहारी नगरपालिकाको प्रयोगशालामा परिएको परीक्षणमा रुकुम पश्चिमका २३ जनामा कोरोना संक्रमण देखिएको कर्णाली प्रदेश सामाजिक विकास मन्त्रालय स्वास्थ्य सेवा महाशाखाका प्रमुख वृषबहादुर शाहीले बताए ।
योसँगै कर्णालीमा कोरोना संक्रमित हुनेको संख्या तीन हजार ६३ पुगेको छ । शुक्रबार कर्णालीका विभिन्न आइसोलेसन सेन्टर र अस्पतालबाट १६ जनामा कोरोना संक्रमण निको भएर डिस्चार्ज भएका छन् ।
कर्णालीमा कोरोना संक्रमण निको हुनेको संख्या दुई हजार ६ सय ४९ पुगेको छ । हाल कर्णालीका विभिन्न आइसोलेसन सेन्टर तथा अस्पतालहरूमा चार सय आठजना सक्रिय संक्रमित रहेका छन् ।
- Total: 1.9K
- Viber
- Facebook Messenger