सबै सबैले सम्झिए आमा

हरेक ठेसमा

मैँलेजस्तै

मान्छेहरू

कि भगवान् सम्झिदा रहेछन् कि आमा

मेराे गाउँकाे नामुद जड्याहाले

साइलीले उधाराे रक्सी नदिदा सम्झियाे

एक जुवाडे थियाे गाउँमा

उसले पनि

जुवा हारेर कङ्गाल भएपछि सम्झियाे

गजडीले

गाँजाकाे नशा उत्रेपछि

भाेक लागेर सम्झियाे

ग्राहककाे प्रतीक्षामा बसेकी पिङ्गलाले

ग्राहक नपाएपछि सम्झिई

प्रेमिकाबाट धाेका पाएर फर्किएकाे प्रेमीले

तुरूक्क चुहाउँदै अश्रुधारा

सम्झियाे आमाकाे वात्सल्य प्रेम

दिनभरि जाेतेर लखतरान परेकाे हलीले

साँझ चुल्हाे नबल्दा सम्झियाे

पक्षघातले थला परेकी काइलीले

शरीर नचल्दा सम्झिई

अचम्म !

आमालाई वृद्धाश्रममा छाेडेर फर्किएकाे पाखण्डीले

आमाकाे मुख हेर्ने दिन

फेसबुकमा राखेर आमाकाे तस्बिर

किन सम्झियाे आमा ?