थप १,८७५ जनामा कोरोना संक्रमण, २१ संक्रमितको मृत्यु
काठमाडौं ।
पछिल्लो २४ घण्टामा देशभर थप १ हजार ८७५ कोरोना संक्रमण पुष्टि भएको छ ।
देशभर गरिएको ६ हजार ८५८ पीसीआर र ३ हजार २०८ जनाको एन्टीजेन परीक्षणका क्रममा १ हजार ८७५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
नेपालमा कुल संक्रमितको संख्या ६ लाख ६५ हजार ८८६ पुगेको छ । पछिललो २४ घण्टामा २ हजार १६४ जना संक्रमणमुक्त भएका छन् । यो सँगै देशभर निको हुनेको संख्या ६ लाख ३० हजार ४०७ पुगेको मन्त्रालयले जनाएको छ ।
पछिल्लो २४ घण्टामा २१ जना संक्रमितको मृत्यु भएको मन्त्रालयले जनाएको छ । हालसम्म कोरोना संक्रमणबाट मृत्यु हुनेको संख्या ९ हजार ५२७ पुगेको छ।
