गजल

जोवन पाउन जवानी पाउन वचपन त्याग्नुपर्छ
त्यसपछी मात्र एक नारीले आगन त्याग्नुपर्छ

जिन्दगीका श्रङ्खला त्यागेरै सकिनेरहेछन
मृत्यु पाउँदा यहाँ सबैले जीवन त्याग्नु पर्छ

लास जलाउने ठाउँलाई फराकिलो बनाउनुस
अहिले अस्पतालहरुको उद्घाटन त्याग्नु पर्छ

भनिदेउ तिमिलाई पाउन के के त्याग्नुपर्ला
मलाई पाउन त तिमिले धन त्याग्नुपर्छ

तिमी पानी हौ म चिनी तिमी संग मिले भने
मिठो बन्छौ तिमी मैले आफ्नै वजन त्याग्नुपर्छ ।