रामजानकी सेवा आश्रम केन्द्र सुर्खेतको अध्यक्षमा केसी
सुर्खेत ।
सुर्खेतको वीरेन्द्रनगरमा रहेको रामजानकी सेवा आश्रम केन्द्रको २१ औं साधारण सभा एवम् पाँचौ अधिवेशन सम्पन्न भएको छ । उक्त अधिवेशनले निरन्जन केसीलाई आश्रमको अध्यक्षमा निर्विरोध चयन गरेको छ ।
केसीको अध्यक्षतामा चयन भएको १३ सदस्यीय नयाँ कार्यसमितिको उपाध्यक्षमा शिवप्रसाद गौतम सचिवमा नारायण प्रसाद तिमिल्सिना र कोषाध्यक्षमा सोमप्रसाद दाहाल निर्विरोध निर्वाचित गरेको छ ।
यसैगरी सदस्यहरुमा कमल शाही, पूर्णदेव अधिकारी, उमा कुमारी कार्की ढकाल, जयबहादुर बुढाक्षेत्री, तिलकराम आचार्य, टीकाकुमारी ढकाल (भण्डारी), तुल्सिदास बिसी, टेकबहादुर खत्री र देवेन्द्रदेव गिरीलाई चयन गरेको छ ।
