आशारामको उपचारका लागि सहयोग रकम जुट्दै (सहयोगीको सूची सहित)

सुर्खेत

२१ फागुन २०७३
कुनै समयमा आशाराम नाम सुर्खेत वीरेन्द्रनगरका व्यापारीहरु माझ निकै चर्चित थियो । हुन त आशाराम एक सामान्य ज्यालामजदुरी गर्ने नागरिक हुनुहुन्छ । तर वीरेन्द्रनगरका अधिकांश पसलमाहरुमा सामान लोड अनलोड गर्नुपर्दा आशाको नाम यहाँका अधिकांश साहुजीहरुको मुखमा झण्डिने गथ्र्यो ।

आज तिनै आशाराम पेटमा पानी भरिएर र सुन्निएको खुट्टा फुटेर पानी बगिरहेको छ । उनीसँग उपचारका लागि पैसा छैन । आर्थिक अवस्था कमजोर भएकाले दिनभर ज्याला मजदुरी गरेर कमाउने र बेलुका त्यसैले छाक टार्ने भएकाले गर्दा पनि उनले कमाएको पैसा बचाउन सक्नुभएन आशारामले ।
जीवन मरणको दोसाँधमा पुगेको बेला कसैले हेरेनन् उहाँलाई । क्यान सुर्खेत शाखाका अध्यक्ष पूर्णदेव अधिकारीको पहलमा वातावरण टोल विकास समितिका पदाधिकारीहरुले समेत सहयोग गरेपछि आज विहान मात्र १४ हजार ४ सय ४० नगद संकलन भएको छ । आर्थिक सहयोग गर्ने सबैलाई धन्यवाद दिँदै सबैले यसरी नै सहयोग गरिदिएमा आफ्नो बाँच्ने इच्छा पुरा हुने बताउनु हुन्छ आशाराम सुनार ।