ठाँटी मेलाको तयारी पुराः भलिबल बिजेताले ५० हजार पाउँने
राजेन्द्र शाही
कार्तिक १७, सुर्खेत
सुर्खेतको चिङगाड गाउँपालिकाको मटेला ठाँटी बजारमा लाग्ने पूर्णीमा मेलाको सबै तयारी पुरा भएको आयोजकले जनाएको छ । वीरेन्द्रनगरमा पत्रकार सम्मेलन गरेर आयोजक समितीले भोली देखी २२ गते सम्म संचालन हुने मेलाको लागी सरसफाई,स्वागतद्धार निमार्ण लगायत तयारी पुरा भएको जनाएको हो । उद्योग वाणिज्य संघ शाखा कार्यालय चिङगाडले आयोजना तथा गाउँपालिकाको आर्थिक सहयोगमा संचालन हुने मेलामा राष्ट्रिय तथा स्थानीय कलाकारको प्रस्तुतीका सार्थ भलिबल र लोकदोहोरी प्रतियोगिता सम्पन्न हुने प्रचार–प्रसार संयोजक कृष्णप्रसाद शर्माले बताउँनु भयो ।
मेलामा जाजरकोट,दैलेख र सुर्खेतका बिभिन्न गाउँपालिका तथा नगरपालिकावाट सहभागी पञ्चेवाजा,मयुरनाँच,सिङगारु नाँच,टप्पा,जन्तेखेल,देउडा लगायतका नृत्य प्रस्तुत गरीने उहाँको भनाई छ । मेलामा संचालन हुने बिभिन्न प्रतियोगिताका लागी ५ लाख १७ हजार बढी रकम खर्च हुने आयोजकको अनुमान छ । यस्तै ५० हजार दर्शकले मेलाको अवलोकन गर्ने आयोजकको अपेक्षा छ । स्थानीय कला संस्कृती जर्गेना गर्दै गाउँमा उत्पादन भएका बस्तुको प्रचारप्रसार तथा व्यापारीकरण गर्न हरेक बर्ष तिहारपछी पूर्णीमाको दिनवाट ठाँटी मेला संचालन हुदै आएको छ । बिगतमा एक दिन मात्र लाग्दै आएको मेला पाँच बर्ष अघि देखी समय बढाएर पाँच दिन पुर्याईएको छ ।
मेलाका अवसरमो खुला पुरुष भलिबल तथा लोकदोहीरी गित प्रतियोगिता आयोजना हुने भएको छ । प्रतियोगितामा प्रथम हुनेलाई ५० हजार,द्धितीय हुनेलाई ३० हजार र तृतीय हुनेलाई २० हजार रुपैया पुरस्कार प्रदान गरीने भएको छ । लोकदोहोरी तर्फ प्रथम हुनेलाई १५ हजार,द्धितीयलाई १० हजार र तृतीयलाई ५ हजार पुरस्कार दिईने आयोजक समितीले जनाएको छ । मेलामा उत्कृष्ठ झाँकी प्रस्तुत गर्ने समुहलाई पुरस्कार तथा सम्मान गरीने छ । मेलामा सुरक्षा व्यवस्थामा कडाई गरीनुका साथै अबैध घरेलु मदिराको कारोवारमा प्रतिबन्ध लगाईएको छ ।
