रारा राष्ट्रिय नाटक महोत्सवले सुर्खेतमा नाट्य माहौल बनाउँदै

सुर्खेत, कात्तिक ११

रारा राष्ट्रिय नाटक महोत्सव २०७५ कर्णालीको राजधानी सुर्खेतमा हुने भएपछि यहाँको माहौल नाटकमय भएको छ । महोत्सवको तयारीको लागि मूल आयोजक समिति र सचिवालयले कार्यालय स्थापना गरी काम समेत शुरु गरेको छ ।

साँस्कृतिक संस्थान काठमाडौंको आयोजना र आरंग नेपाल सुर्खेतको स्थानीय व्यवस्थापनमा आगामी मंशीर ६ देखि १० गते सम्म कर्णाली प्रदेशको राजधानी सुर्खेतमा हुन गइरहेको नाटक महोत्सवका लागि कार्यालय स्थापना गरि काम शुरु गरिएको हो ।

यस अघि साँस्कृतिक संस्थानले सार्वजनिक सूचना जारी गरि महोत्सवमा सहभागि हुन चाहने नाटकका लागि शर्तहरु तोकी आवेदन माग गरिसकेको छ । सँस्थानले महोत्सव अवधिभर गर्ने गतिविधीका लागि मूल आयोजक समितिको कार्यालय र सचिवालय स्थापना गरिएको मूल आयोजक समितिका संयोजक एवं बरिष्ठ रंगकर्मी गणेशभक्त गौतमले जानकारी दिए । मूल आयोजक समितिको कार्यालय इत्राम स्थित आरंग नेपालमा र सचिवालय बजार स्थित कर्णाल कला प्रतिष्ठानमा खोलिएको छ । ‘हामीले यहाँवाट गर्ने तयारीहरु सक्रियता पूर्वक गरिरहेका छौं’ उनले भने, ‘सँस्थानले केन्द्रिय तहवाट गर्ने र हामीले स्थानीय तहवाट गर्ने जिम्मेवारीको छिनोफानो भइसकेर काम शुरु भइसक्यो ।’

संयोजक गौतमका अनुसार महोत्सवमा प्रत्यक प्रदेशवाट २ वटाका दरले १४ र आयोजकको तर्पmवाट १ सहित १५ वटा नाटक पर्दशन गरिनेछ । सँस्थानले महोत्सवका लागि स्थानीय व्यवस्थापनको सवै जिम्मा आरंग नेपाललाई दिएको छ भने सह–आयोजक र मूल आयोजक समिति सदस्यका रुपमा सुर्खेत तथा कर्णाली प्रदेशका सवै कला संस्कृती संग सम्वन्धित संस्थाहरुलाई समावेश गरिएको छ ।