क्यानको स्थापना दिवसमा प्रभातफेरी

सुर्खेत

१९ वैशाख २०७३
कम्प्यूटर एशोसियसन महासंघ (क्यान) सुर्खेतले आफ्नो २५ औंँ स्थापना दिवसको अवसरमा प्रभात फेरी सहितका कार्यक्रम गरी मनाएको छ । स्थानीय मंगलगढी चौक देखि शुरुभएको प्रभातफेरी कार्यक्रम वीरेन्द्रचौकमा पुगेर

कोण सभामा परिणत भएको थियो ।
क्यान महासंघ सुर्खेतका अध्यक्ष पूर्णदेव अधिकारीले अबको विकास भनेको आइटी क्षेत्रको विकास भएकोले सूचना तथा संचार प्रविधिले मात्र दिगो विकास गर्न सक्ने बताउनु भयो । ‘दिगो विकासको लागि सूचना तथा संचार प्रविधि’ भन्ने मूल नाराका साथ क्यानले स्थापना दिवस आज वैशाख १९ (२ मे) मा मनाएको छ ।
नेपालमा कम्प्यूटर भित्रिएपछि व्यवसायिक रुपमा कम्प्यूटर प्रविधिको विकास भइसकेपछि त्यसलाई अझ व्यवस्थित बनाउनका लागि क्यानको स्थापना भएको बताउँदै अध्यक्ष अधिकारीले भन्नुभयो – समयदेखि श्रमको समेत बचत हुने र छिटो र भरपर्दो माध्यमको रुपमा प्रविधिले फड्को मारिसकेको छ । त्यसलाई अझ व्यापक र विस्तार गर्नका लागि सबैले आ–आफ्नो क्षेत्र, तह र तप्काबाट सहयोग गर्न आवश्यक छ । क्यान महासंघ सुर्खेतले विभिन्न समयमा विभिन्न कार्यक्रमहरु गर्दै आइरहेको छ । विभिन्न क्यान इन्फोटेक मेला तथा रक्तदान जस्ता कार्यक्रमहरु समेत गरेर संचार, प्रविधिको क्षेत्रसँगै सामाजिक क्षेत्रमा समेत सकारात्मक र रचनात्मक कार्यहरु गर्दै आइरहेको अध्यक्ष अधिकारीले बताउनु भयो ।
क्यान महासंघको सुर्खेत शाखा बर्ष २०७३ मा नेपालकै उत्कृष्ट शाखाको रुपमा समेत पुरस्कृत भइसकेको छ ।