Loading... आजः ११ आश्विन २०७७, आईतवार । Sunday 27th September 2020

गजल – अनुषा गौतम `शिखा´

अनुषा गौतम `शिखा´

अधुरा यी रहरहरु ,छल्किएको जीवन प्यारो।
वेला हुदाहुदै पनि , ढल्किएको जीवन प्यारो।

मोती बनी सागरमा , पुग्नेल रहर लिई जाँदा
शितरा भइ बगरमा , टल्किएको जीवन प्यारो।

चिसोले कठ्याङ्ग्रिएको , मन अगेनो छेउ पुग्दा
उछिट्टिर फिलिङ्गोले , सल्किएको जीवन प्यारो।

सिपालु छन् योद्धा सबै ,मुटु निशान बबनाउने
चोट लाग्दा पनि हाँस्न ,पल्किएको जीवन प्यारो।

मर्नु बाँच्नु परि प्रेमिले,जिउँदो लास तुल्याइ गयो
वर्वादिको मीठो याद , झल्किएको जीवन प्यारो।

बर्दिया